کابل ټکی کام( یکشنبه، ۹چنګاش، ۱۳۹۸)
دیپلومات مجلې د امریکا او ایران ترمنځ ترینګلتیا او په پاکستان یې اغیزو ته اشاره کړې او ویلي یې دي چې د دوی دواړو هیوادونو تاوتریخوالی به په پاکستان اغیز وکړي.
مجله لیکي چې پاکستان په نړۍ کې دوهم هغه هیواد دی چې زیات شیعه نفوس لري نو د ایران او امریکا د احتمالي شخړې په صورت کې به شیعه وګړي په پاکستان فشار واردوي چې په دې مسئله کې دخیل واوسي او حللاره ورته ولټوي.
خو د مجلې په باور چې پاکستان به دا کار ځکه ونه کړي چې بل لور ته دا هیواد د سعودي عربستان مرستو ته زیات ضرورت لري او هغه د شیعه په پلوۍ له خطر سره نه شي مخ کولای.
باید وویل شي چې د امریکا او ایران ترمنځ ترینګلتیا وروسته له هغه ورځ تر بلې زیاتیږي چې ایران په خپله خاوره کې د امریکایي څارګرې الوتکې د ویشتلو ادعا وکړه.
سعودي عربستان او عرب امارات د امریکا او ایران په تاوتریخوالي کې د امریکا لمن نیسي او ایران د نړیوالې ترهګرۍ په ملاتړ تورنوي.
