کابل ټکی کام( سه شنبه، ۱۸چنګاش، ۱۳۹۸)
امریکا ویلي چې د ایران هغه وروستۍ اقدام چې د یورانیمو د تولید د زیاتوالي په اړه وو، یو غلط اقدام دی.
د امریکا مرستیال ولسمشر مایک پنس وایي چې د یورانیمو د بډایولو په اړه د تهران وروستۍ پرېکړه د دې هیواد د ویرانکارۍ یوه برخه ده.
ده همدا راز د امریکا همیشنۍ خبره چې ایران به اتومي وسله رانه ونه ګوري تکرار کړه.
نوموړي دا خبرې په واشنګټن کې د اسرائیلو لپاره د مسیحیانو د یووالي په کنفرانس کې کړي دي.
دا په داسې حال کې ده چې ایران د ۲۰۱۵م کال اتومي تړون مات کړ او ویې ویل چې نور به د یورانیمو تولید په خپله خوښه کوي.
ایران دا کار وروسته له هغه وکړ چې دا هیواد د امریکا لخوا له سختو بندیزونو سره مخ دی او لا هم د بندیزونو لړۍ روانه ده.
اروپایي هیوادونو له ایرانه غوښتي چې اتومي تړون ته دې ژمن پاتې شي خو تهران بیا اروپایي هیوادونه په غدر تورنوي
