د ولسي جرګې رئیس، رمضان بشردوست ایران ته په جاسوسۍ تورن کړ
کابل ټکی کام( دوشنبه، ۳۱چنګاش، ۱۳۹۸)
د ولسي جرګې رئیس میر رحمان رحماني د دې جرګې مخکښ غړی رمضان بشردوست ایران ته په جاسوسۍ تورن کړ.
د میر رحمان رحماني او رمضان بشردوست ترمنځ لومړی لفظي شخړه رامنځته شوې ده.
له لفظي شخړې وروسته میر رحماني په بشردوست تور پورې کړ چې د ایران جاسوس دی او د دې هیواد ګټو ته وفادار دی.
دا پیښه نن د ولسي جرګې په تالار کې رامنځته شوې ده.
تر اوسه لا مالومه نه ده چې د دوی دواړو د جنجال لامل څه شی دی.
د یادونې وړ ده چې میر رحمان رحماني په افغانستان کې د امریکا د فضله موادو قراردادي پاتې شوی دی.
