کابل ټکی کام (سه شنبه ، ۱ زمری ، ۱۳۹۸ل)
فلسطیني رسنۍ وایي چې اسرائیلي ځواکونو په وادي حمص کې د فلسطینیانو ۱۰ استوګنیزې ودانۍ ویجاړې کړي.
اسراییلي ځواکونو دا ودانۍ حمص په ښار کې ویجاړې کړې دي چې توند غبرګونونه یې راپارولي.
راپورونه زیاتوي، اسراییلي ځواکونو وادي حمص کلي کې له ۱۰ ودانیو په ډېرې بې رحمۍ فلسطینیان ایستلي او د هغوی کورونه یې ویجاړ کړي دي.
اسرائیلي چارواکي وایي، دا ودانۍ په غیر قانوني توګه جوړې شوې دي خو د کورونو خاوندان بیا وایي، ځمکې یې پلرنۍ دي او د جوړولو جواز یې له فلسطیني ادارې تر لاسه کړی دی.
فلسطین چې له کلونو کلونو راپدېخوا د اسرائیلي ځواکونو له زور، ظلم او ستم سره مخ دی وګړي یې وایي، د اسرائیلیانو ظلمونو ته به پر وخت بالمثل ځواب ورکړي.
یاده دې وي چې اسرائیلي پوځ تر دې پخوا هم په وار وار دفلسطیني وګړو کورونه او بازارونه بمبار کړي او لاهم دا لړۍ روانه ده.
