(کابل ټکی کام، ۱۳۹۸، زمری ۳)
په قطر کې د طالبانو د سياسي دفتر ویاند سهيل شاهين وايي، که پاکستان رسمي بلنه ورکړي دغه هيواد ته به سفر وکړي.
تيره ورخ د پاکستان لومړي وزير عمران خان امريکا کې یوې غونډې ته د وينا پر مهال ويلي چې پاکستان ته ستون شي له طالب استازو سره به وويني.
تازه د قطر دفتر ویاند سهيل شاهين ويلي چې طالب استازي د سيمې هيوادونو له چارواکو سره وخت ناوخت ويني زياتوي: “موږ خو د سیمې او نړۍ له هېوادونو سره وخت ناوخته وینو، نو که موږ له پاکستان څخه رسمي بلنه ترلاسه کړو، موږ سفر ورته کوو، لکه نورو هېوادونو ته چې يې کوو، ځکه چې پاکستان هم یو ګاونډی او مسلمان هیواد دی”.
عمران خان ويلي و چې هڅه به وکړي د طالبانو او حکومت تر منځ د سولې پروسې ته لاره هواره کړي په خبره يې افغانستان کې بايد ټول شموله انتخابات وشي چې طالبان هم پکې برخه واخلي.
طالب ویاند وايي، “زموږ مستقله پاليسي ده، یو زموږ ملي او اسلامي ګټې دي چې هغې کې هیچا ته د مداخلې اجازه نه ورکوو زیاتوي د سيمه ييزو او نورو هيوادونو سره ښې اړيکې ولرو”.
امريکا له تيرو څو مياشتو راهيسې له طالبانو سره له افغانستانه د بهرنيو ځواکونو د وتلو او څو نورو موضوعاتو پر سر په خبرو بوخته ده.
طالبانو تر دې مخکې په خپلو اعلاميو کې د کابل حکومت ګوداګۍ اداره بللې او په افغانستان کې د امریکا په موجوديت کې يې هغوی سره خبرې بې ګټې بللي دي.
خو سهيل شاهين وايي، د افغانستان مسأله يې په دوه برخو ويشلې چې يوه خارجي او بله داخلي ده په وينا يې له امريکايانو سره د مذاکراتو تر بريالي کيدو وروسته تيار دې چې له ټولو افغان جهتونو سره وګوري، هغې کې د کابل ادارې چارواکي هم راځي.
