کابل ټکی کام  (دوشنبه، مرغومی ۲۸مه، ۱۳۹۴ ل): 

دغه پېښه د فاریاب ولایت غورماچ ولسوالۍ کې د یکشنبې په مازدیګر  رامنځ ته شوې، چې یوه مېړه د خپلې مېرمنې پوزه پرې کړه او نامعلوم لورې ته وتښتېد.

 د سیمه یزو چارواکو په وینا دغه سړي،  چې د خپلې میرمنې پوزه يې د چاکو په توسط پرې کړې محمد خان نومېږي.

باید وویل شي، چې دغه ښځه تر دې وړاندې هم د خپل مېړه له لوري په محتلفو ډولونو تعذیبونو او تاوتریخوالي سره مخ شوې وه .

اوس مهال ټپې شوې مېرمن د میمنې ملکي افغان ترک روغتون کې تر درملنې لاندې ده.

د بشري حقونو خپلواک کمیسیون د خپلو معلوماتو له مخې ویلي دي، چې ددغې ټپي شوې مېرمنې یوه لور هم شته .

د نوموړي ولایت د څارنې او تحقیق برخې د مرستیالې «زرمینې زراع» د څېړنې له مخې، د دغه تاوتریخوالي لامل او  د هغې د مېړه محمد خان د نيولو په اړه جدي پلټنې پیل شوي دي .

د ټپې شوې ښځې مور او پلار دواړو له حکومته د عدالت او انصاف او له محمدخان سره د قانوني چلند غوښتنه کړې .

سلیم بریال