(کابل ټکی کام، ۱۳۹۸، زمری ۲۴)
د راپورونو له مخې، د امریکا په پنسلوانيا ایالت کې یوه وسله وال بريد کوونکي اووه پوليس ټپيان کړي دي.
دغه بريد پرون د چهارشنبې په ورځ د یاد ایالت په فیلادلفيا ښار کې رامنځته شوی دی.
پوليس وايي، د نوموړي بریدګر په ډزو شپږ پوليس او څو تنه کارمندان ټپيان شول او یو پوليس په لاره کې د يوې پيښې پر مهال ټپيان شو.
د پوليسو په وينا، دغه برید یونيم ساعت دوام وکړ او بريدګر به هر څلور یا شپږ قدمه مخکې تلو او ډزې يې کولې.
تر دې مخکې هم د امریکا په بيلابيلو ایالتونو کې ورته ډول وسله وال بريدونه شوي چې د پوليسو په ګډون پکې سلګونه عامو کسانو ته مرګ ژوبله اوشتې ده.
خو دا لومړی ځل دی چې د یوه کس له لوري په یوه برید کې اووه پوليس ټپيان کيږي.
تر اوسه د بريد کوونکي د هويت او د دغه وسله وال بريد په اړه نور جزيات نه دي په ډاګه شوي.س
امريکا کې په وروستيو کې د نا امنيو او وسله والو بريدونو پيښې زياتې شوي چې اکثره يې په رواني ناروغيو اخته کسان دغه بريدونه ترسره کيږي.
