لیکنه: امرالله عمران
اې جنایتکاره ! ستا د دافرطي او مادې نظریو له امله وو چې په ښارونو، بیدیا، غرونو، او نورو بیلابیلو ځایونو کې دي انسانان ارام پرينښودل، ستا په لاس ماډرن اسلیحو په وسیله زرګونه کسان ووژل شول او یا هم د الوتکو په وسیله بمونه پری ووریدل او د خاورو لاندې شول.
ستا په لاس جوړو شوو اسلحو له خولی اورونه وریدل او سرې شوي وسپني د انسانانو په سینو کې سړې شوې .
اې جنایتکاره ستا د دافرطي او مادې نظریو برکت دی چې نن سبا غله په نړۍ حکومت کوي، او د ژوند هدف یې خیټه او نفسی خواهشات ګرځولي، که ستا دا انسانې هوس او مادي نظریې نه واې اوس به خونړیو سرتیرو خلک نه وژلی او نه هم شکنجه کولی، او نه به روزل شویو سرتیرو د خپل هوس د سړولو لپاره با حیا ښځې بې پته کولې.
او اې جنایتکاره !!! که ته پوهه نه واې ،ماشومان به دمیندو په خیټه کې نه مړه کیدل هغوي ستا د دوا په ډاډ بدلمنې کوي، که ستاپه لاس دا درمل نه واې جوړ شوي، هغه باغزته ښځي به نه بي پته کیدلې .
اې جنایت کاره که ته پوهه نه واې ظلم به په ریښتنولۍ، عدالت پر چل او دوکه نه برلاسي کیدل! ستا د مادیاتو د ترلاسه کولو هنر وو چې زرګونه کسان، چې دپوستکې رنګ یې ستادپوستکې له رنګ سره توپیر درلود ستا دپوهې له امله مړه شول، اوزرګونه کسان چې ستا په ژبه یې خبري نشوې کولاي ووژل شول، اوهمداسي بی شمیره کسان په دي جرم مړه شول، چې ستاسي د وطن مربوط نه وو، ستا دې مادي نظریو څومره انسانان د ذلت سره مخ کړل!؟ دا څومره انسانان چې ستا دنظریو په لاره وژل کیږي ددي ټولو د مرګ مسؤلیت ستا په غاړه دی !
او اې هغه انسانه چې د خپل هوس د سړولو مادي مفاد او شخصي عقدي او په ناپوهۍ په همدغه مادي نظریو په لاره راون کړي یې په دې پوهه شه چې له همدې امله د هغوي ساندې ،زګېروی اونارې سورې ددې مخه نیسي، چې ته دشپې مهال ویده نه شی ،خواړه دې په مرۍ کې ونښلی او بی خونده شي .
اې جنایتکاره بیا هم درته وایم د افرطي او مادې نظریو جوړونکیه او پلي کونکیه! یوازې ته مسؤل یی !!
هغه وخت هم نږدي دي چې زړه، او روح دی تاته ووایې: چې ستا جنایتونه د بښلو نه دي ، موږبه دې ترهغه په کرار پرېنږدو چې ژوندی یی زموږله لاسه به یوه شپه هم ارام خوب ونه کړی، ځکه چې پوه یی ،او د خلکو په ژوند باندي لوبی کولو کي لوي مهارت لری، ځکه عالم یې اوپوهیږي چې څه کوې ، نوستا مسولیت ډېر دروند دي اوبښل کیداي نشي .
ستا د دافرطي او مادې نظریو ، ددنیا دغه لنډ او تنګ ژوند خپل اخیري هدف، اودعلم اوپوهۍ اخیري حد وګرځاوه .
نو پوه شه چې یو بل ژوند هم را روان دی، هغه له دی تنګ او لنډ ژوند ډیر اوږد دی دومره اوږد چې ته یې فکر هم نشي کولې، او هلته به د یو عادل ذات په وړاندی د خپلو جنایتونو حساب ورکوي، او د یو خطرناک عقوبت سره مخ کیدونکې یې .
خو زه باور لرم چې ستا په رالیږلي الآهې فرمان باور نشته اوکله دی هم دا فکر ندی کړی، که چیري ته دي دا فکر کړي وای، چې دسترپالونکي په لور ورتګ لري، هغه کارونه چې دي کړیدي هیڅکله دي نکول ، هغه شرم لونکي جنایتونه، وحشتناک قتلونه ،اودبېرحمه ظلمونومرتکب نه کیدلي .
الله تعالی په قران کریم کې د داسي خلکو په اړه فرمایې :
ژباړه : ( هغوی دهیڅ حساب هیله نه لرله اوموږ أیتونه هغوبیخې دروغ ګڼلي وو (ایات۲۷-۲۸
بل ځاې فرمایې:
ژباړه: ( تاسوڅه شي دوزخ ته بوتلۍ ؟ هغوی به ووایي موږله لمونځ کوونکو څخه نه وو،اومسکین ته موخواړه نه ورکول ، اودحق پرخلاف خبروجوړوونکوسره په یوځای کیدو موږهم خبرې جوړولې، اودجزاء ورځ مودروغ ګڼله )
