لغمان: نامعلومه وسله والو د یوې کورنۍ پنځه غړي وژلي
(کابل ټکی کام، ۱۳۹۸، وږی ۱۳، چهارشنبه)
د لغمان ولايت په قرغه ولسوالۍ کې د نا معلومه وسله والو په ډزو پنځه تنه وژل شوي دي.
د لغمان د والي ویاند اسدالله دولت زی وايي، پيښه تيره شپه رامنځته شې په خبره يې وژل شويو کې دوه انجونې، دوه هلکان او یوه ښځه ده.
د دولت زي په خبره، وژل شوي کسان ټول د ننګرهار د خوګياڼيو ولسوالۍ اصلي اوسيدونکي و چې په قرغه ولسوالۍ کې يې زندګي کوله.
تر اوسه د دغه وژنې پړه چا په غاړه نه ده اخيستې.
