(کابل ټکی کام، ۱۳۹۸، وږی ۱۶، شنبه)
د راپورونو له مخې، طالبانو د کندز ولايت په قعله زال ولسوالۍ او شاوخوا امنيتي پوستو شديده جګړه پيل کړې چې پوليسو ته پکې مرګ ژوبله اوښتې ده.
طالب ویاند ذبیح الله مجاهد په خپله رسمي ټويټر پاڼه ليکي چې د ولسوالۍ پر ودانۍ، امنيې قومندانۍ او شاوخوا پوستو جګړه روانه ده په وينا يې عسکرو ته يې درانه تلفات اړولي دي.
نوموړی وايي، په دې اړه به نور جزيات وروسته رسنيو سره شريک کړي.
امنيتي سرچينې هم پر قلعه زال ولسوالۍ د طالبانو بريدونه تاييدوي په وينا يې تر اوسه د تلفاتو په اړه کره معلومات نه لري.
دا په داسې حال کې ده، چې پرون طالبانو د دغه ولايت د خان اباد ولسوالۍ د نيولو پر مهال لسګونه عسکرو ته مرګ ژوبله اړولې وه او لسګونه ميله وسلې، مهمات او پوځي توکي يې هم نيولي و.
طالبانو په وروستيو کې خپلو بريدونو ته زور ورکړی چې تر ډيره يې له دولتي ځواکونو پوځي مرکزونه، دولتي تأسيسات او سيمې نيولي دي.
