ډاکټر یوسف اکبري
د افغانستان تاریخ ثابته کړې چې هر یرغلګر په دې هیواد برید کړی له پیسو، وسلو او افرادو ختمیدل خو پریږده آن له مغزو یې خلاص کړي، خوشال بابا خو هسې نه دي ویلي چې:
لا تر اوسه ییې ماغزه په قرار نه دي
چا چې ما سره وهلی سر په څنګ دی
د خوشال بابا دا شعر هسې هوایي خبره نه وه او نه ده او نه به وي بلکې د تاریخ په اوږدو کې عملا ثابته شوې چې هر یرغلکر له دې ملت سره ډغره وهلې، هغه روغ نه دی پاتې شوی او که کوم یو قدرت روغ وتلی نو له مغزو خو ضرور خلاص شوی، تاسې اوس د ټرمپ کړو وړو ته ځیر شئ، څومره په اوتو بوتو سر دی ضد او نقیض څرګندونې کوي، یو غر په بل غر ولي، نن یوه پریکړه کوي او سبا بله، کله نرم شي او کله یو دم احساساتي، کله وایي، فوځونه باسم، کله وایي یو ملیون افغانان وژنم، کله وایي بې مذاکراتو وځم کله وایي بیخی نه وځم، دا ټول که د لیونتوب نښې نه وي نو به څه وي؟
دا ټول د افغان د تورو شرنګهار دی چې له ټرمپ یې لار ورکه کړې، تاسې به د ده د لیونتوب او حماقت ډیر څه نور هم ووینی چې تر څو افغاني ګوزارونه پرې حواله کیږي
