کابل کې د امريکا سفارت سره نږدې چاودنه شوې
(کابل ټکی کام، ۱۳۹۸، وږی ۲۰، چهارشنبه)
کابل کې د امریکا سفارت سره نږدې په داسې حال کې چاودنه شوې چې د سفارت په داخل کې د يوولسم سپتمبر کليزه لمانخل کيده.
د امريکا سفارت کارکوونکي د ای پي خبري اژانس ته یاده چاودنه تاييد کړې خو په اړه يې نور جزيات نه دي ورکړي.
ويل کيږي، چاودنه د يوولسم سپتمبر د اتلسمې کليزې د پيل سره سم رامنځته شوې او سمدستي په سفارت کې د خطر زنګونه کړنګيدلي دي.
تر اوسه په کابل کې امريکايي او دولتي چارواکو د دغه چاودنې نور معلومات نه دي خپاره کړي.
خو سفارت ته نږدې سرچينې وايي، له چاودنې وروسته د کليزې لمانځ غونډه ګډوډه شوې او ډيری کسان ترې ووتل.
