کابل ټکی کام (پنجشنبه، ۲۸ وږی ، ۱۳۹۸ل)
د ایران د بهرنیو چارو وزیر جواد ظریف تور پورې کړی چې د امریکا د بهرنیو چارو وزیر مایک پومپیو په خپلو پاروونکو څرګندونو سره غواړي تهران او واشنګتن یو دبل پر وړاندې جګړې ته وهڅوي.
ظریف زیاته کړې، پومپیو د امریکا په حکومت کې یو له هغو کسانو دی چې پر سوله، جګړې ته ترجیح ورکوي او اوس یې هڅه پیل کړې څو د دې هېواد ولسمشر ډونالډ ټرمپ دوکه کړي او له ایران سره خونړۍ جګړې ته مجبور کړي.
هغه دغه راز ویلي، د ایران پر ضد د امریکا کوچنی اقدام هم کولی شي ستونزې اوج ته ورسوي چې بیا به یې د بدو پایلو مسوولیت په خپله د امریکا پر غاړه وي.
نوموړی دا څرګندونې په داسې حال کې کوي چې د امریکا د بهرنیو چارو وزیر مایک پومپیو پرون وویل د سعودي پر نفتي تاسیساتو د برید مسئول ایران دی.
دایران او امریکا اړیکې وروسته له هغې جنجالي شوې چې واشنګټن تهران له نړیوال اټومي تړون څخه په سر غړاوي تورن کړل، او ځینې بندیزونه یې پرې ولګول.
