(کابل ټکی کام، ۱۳۹۸، تله ۶، شنبه)
نن شنبه د ۱۳۹۸م کال د ولسمشريزو ټاکنو لپاره د رايه ورکولو ورځ ده چې د انتخاباتو کمېسیون د مسؤولینو په وينا ټول هيواد کې شاوخوا نهه ميلیون رايه اچوونکو نومليکنه کړې ده.
که څه هم مسؤولین وايي، چ د رايه اچولو لپاره په ټول هيواد کې شاوخوا پنځه زره مرکزونه جوړ شوي خو په بيلابيلو ولايتونو او ولسواليو کې د نا امنیو او د طالبانو د ګواښونو او بريدونو له کبله زيات شمير انتخاباتي مرکزونه نه دي پرانيستل شوي.
د کمېسيون چارواکي وايي، دغه بهير نن اووه بجې پيل او د ماسپښین په درېيو بجو به رايه ورکول پای ته ورسيږي.
طالبانو تر دې مخکې خلک د ټاکنو مرکزونو ته له نږدې ورتګ څخه منع کړي و او ګواښ يې کړی و چې په ټاکنيزو مرکزونو به بريدونه کوي.
طالبانو تيره ورځ هم په بيلابيلو ولايتونو کې پر ټاکنو مرکزونو بریدونه کړي و او لويې لارې يې تړلې وې ترڅو ټاکنې ګډوډې کړي.
دغه راز طالبان وايي، تيره شپه يې په کنړ، پکتيکا، پروان، پکتیکا کې پر انتخاباتي مرکزونو بریدونه کړي، ځينې مرکزونه يې سوځولي او پر ځينو مرکزونو چاودنې شوي چې پوليسو ته پکې هم پکې مرګ زوبله اوښتې ده.
