(کابل ټکی کام، ۱۳۹۸، تله ۷، یکشنبه)
د ټاکنيزو شکايتونو کمېسیون مشره زهره بيان شينوارې وايي، تر ورته د انتخاباتو له بيلابيلو مرکزونو ۱۸۶۹ شکایتونه رسيدلي دي.
د زهره بيان په خبره، لا هم ځینې شکايتونه ثبت شوي نه دي زیاتوي چې د ټولو شکايتونو د څرنګوالي او څیړنې وروسته به له رسنيو سره معلومات شریک شي.
د ټاکنو کميسیون د منشي محمد قاسم الياسي په وينا، خلک کولای شي تر راتلونکو اته څلويښت ساعتونو پورې د ټاکنو اړوند خپل شکايتونه ثبت کړي.
د ټاکنو خپلواک کمېسیون وايي، د دوی د معلوماتو لهمخې په پرونيو ولسمشريزو ټاکنو کې د ګډونکو شمېر تخمینا «یو میلیون ۵۱زره ۹۹۸ تنو ته رسېږي چې د خلکو ونډه بکې کمرنګه وه.
پرون د ولسمشريزو ټاکنو پر مهال طالبان وايي، چې په نهه ويشت ولايتونو کې يې له پنځه سوه زيات بريدونه کړي چې تر ډير پکې ټاکنيز مرکزونه هدف ګرځيدلي دي.
د پژواک د راپور له مخې، پرون شاوخوا ۱۱۳ بريدونه شوي چې ۱۵۵ کسانو ته پکې مرګ زوبله اوښتې ده.
دغه راز ازادي راډيو په یوه راپور کې ويلي، چې د دوی د موندنو له مخې ټول هیواد اته سوه انتخاباتي مرکزونه تړلي و.
د شنونکو په باور په ټاکنو کې د خلکو کم ګډون، درغليو او پر دغه بهير د خلکو باوري هغه څه دي چې د ټاکنو مشروعيت تر سوال لاندې راځي.
