(کابل ټکی کام، ۱۳۹۸، تله ۲۱، یکشنبه)
ارګ د ټرمپ د وروستیو څرګندونو په اړه چې ويلي يې و (له افغانستانه به خپل ځواکونه ستانه کړي) غبرګون ښودلی او غوښتنه يې کړې چې اوس د دې وخت نه دی چې بهرنيان له افغانستانه ووځي.
د ولسشمر غني وياند صديق صديقي وايي، په افغانستان کې د بهرنيانو شتون ته اړتيا ده، د افغان پوځ سره د وسله والو پر وړاندې څنګ په څنګ مبارزه وکړي او افغانستان پرينږدي.
صديقي وايي، لا هم ترهګرې ډلې په افغانستان کې جګړه کوي او له امريکا يې غوښتي چې د هغوی د پرمختګ مخه ونيسي.
د امریکا ولسمشر ډونالډ ټرمپ وړمه ورځ د یوې انتخاباتي غونډې پر مهال وويل، چې له افغانستانه به ټول سرتيري ستانه کړي.
دغه راز نوموړي په تازه ټويټ کې ويلي، د دې وخت دی چې د امریکا د تاریخ تر ټولو اوږدې جګړې پای ته ورسوي.
که څه هم د امریکا د ولسشمر ټرمپ پر څرګندونو تر ډيره باور نه شي کيدای ځکه چې د شنونکو په باور نوموړی دغه څرګندونې د ولسشمرۍ انتخاباتو کې د برياليتوب لپاره کوي او له يادو څرګندونو خپله کمپايني ګټه اخلي خو په وروستيو کې له پنځوس سلنه زيات امریکايي وګړي په افغانستان کې له جګړې سره مخالف دي او له دغه هيواده د خپلو پوځيانو د بيرته ستنولو غوښتنې کوي.
