راپور تاژ: عقاب افغان الحنفي
دافغان جګړې نولس کاله پوره کېدونکي دي؛ خو دناټو له لوري روانه جګړه نه داچې دبریا پر لور روانه ده، بلکه ورځ تر بلې یو شرمېدلی شکست غوره کوي.
دې جګړې درې ولسمشران(بوش، اوباما، ټرمپ) زاړه کړل، خو لاهم نه پوهیږي چې څه رقم راونه جګړه پای ته ورسوي؟ او دنړیوالو له طعنو ځانونه وژغوري.
ټرمپ هم دیادې جګړې دپایته رسولو لپاره لومړی کامیاب ګام پورته کړ، خو دیوشمېر جګړه خوښو لوړ پوړو امریکایانو له لوري وغولول شو چې دی هم پرې تأسف کوي.
اوس چې دمذاکراتو له لغوه کېدا وروسته میاشتې اوړي او طالب سیاسیون دسمییزو او نړیوالو هېوادونو سفرونه کوي، امریکا بیا دمذاکراتو میز ته د راتګ کوښښ او زمینه سازي کوي چې لاهم اوبه له ورخه نه دي تېرې.
تېره ورځ دامریکا معتبرې ورځپاڼې وال سټریټ ژورنال خبر ورکړی و چې امریکا کوښښ کوي طالبانو سره په ټپه ولاړ مذاکرات دلوړ پوړو طالب مشرانو په تبادلې سره بیا پیل کړي.
ژورنال زیاته کړې وه چې غوڅ اکثریت امریکایان له جګړې ستړي دي او دوی دخپلو جنګېدونکو ځواکونو ژر تر ژره اخراج او خپل وطن ته راستانه کول غواړي.
ولسمشر ټرمپ هم وړمه شپه په یو مختصر ټوېټ کې لیکلي و《The Endless Wars Must End!》چې اوږدې او نه ختمېدونکې جګړې به ختموم.
امریکا مېشت افغان لیکوالان وایي چې دلته ولسي وګړي د یو داسې نوماند تلاش کوي چې بهرنۍ جګړو ته دپای ټکی کېږدي، که ټرمپ دخپل واک په وروستیو کې په دې بریالی شي؛ ممکن راتلونکې بې مثاله لاسته راوړنه همدا یاده کړي.
خو دټرمپ سیاست متزلزل یا په بله اصطلاح یو لېونی سیاست دی، له خوب وړاندې یو نظر او بعد بل نظر لري، اچانک دیو مثبت کار څخه منعه او پر منفي کار امر کوي؛ ممکن دافغانستان به اړه هم یو لېونی ګام واخلي.
ټرمپ څو ورځې وړاندې په یو ټوېټ کې له سوریې څخه امریکایي ځواکونو ته دوتلو امر وکړ، دیادو ځواکونو له حمایت څخه برخمن کردان دترکي ځواکونو ښکار شول، امریکایي پاتې شوني کردان دټرمپ دې ناڅاپي اقدام هک حیران کړل.
کابل هم دکردانو په څېر وېره لري!
دټرمپ هغه ټویټ چې دمیلیونونو افغانانو زړونه یې ودردول کابل ورته له خوشحالۍ ګډاګانې وکړې، هرکلی یې وکړ، اودلته روانه جګړه یې لاهم دامریکا او واشنګټن دفاع وبلله او په خبره یې روانه خونړۍ جګړه دګډو ځواکونو مسلم حق دی.
خو وروستیو ټوېټونو کابل بیا سربداله کړی، او زارۍ کوي چې دوی باید بې سرپرسته پرېنږدي؛ کنه نظام به یې دڅو ساعتونو په طول کې له شکست سره مخامخ شي او دکردانو په څېر به دطالب قطعاتو ښکار شي.
وړمه ورځ دټرمپ له لومړي ټوېټ وروسته دارګ ویاند صدیق صدیقي په یوه اعلامیه کې له امریکا غوښتنه وکړه چې ځواکونه باید ونه باسي، ځکه چې حالات لاهم ندي برابر اوکه داسې وشي؛ دوی به نه جبرانېدونکی زیان وویني .
خو ټولې بهرنۍ ورځپاڼې، سیاسیون، نظامي چارواکي، او امریکایي وګړي دخپلو ځواکونو دویستلو تبصرې اوغوښتنې کوي، ممکن لږ وخت باد داځواکونه طالبانو سره دیوې موافقې په صورت کې ووځي چې لاهم له یادې موافقې ګډ حکومت وېره لري.
