رازمحمد دلیلي: دواړه خواوې باید سولې ته ژمن واوسي

کابل ټکی کام (سه شنبه ۰۶ سلواغه ۱۳۹۴ل) فرید احمد
افغان سیاسي کارپوه رازمحمد دلیلي له یوې ایراني رسنۍ سره په مرکه کې ویلي دي، چې باید د سولې د خبرو د پیلېدو لپاره ژر تر ژره ګامونه پورته شي.
نوموړی زیاتوي چې په هېواد کې د سولې د راوستو لپاره باید دواړه خواوې طالبان او دولت لاس په کار شي ترڅو افغان ولس د ارام ساه واخلي.
هغه وايي چې د سولې روانې هلې ځلې هیله راوړونکي دي، دواړو خواوو ته پکار ده چې سمدلاسه د سولې میز ته کیني، او دواړه غاړې باید نور ملي ګټې نظر انداز نکړي.
دلیلي زیاتوي هغه خلک چې د سولې په خبرو کې ځنډ راولي د افغانستان د ولس دښمنان دي او نه غواړي چې سوله رامنځ ته شي. داسې کارونه د سولې لپاره رامنځ ته شوی هوډ له منځه وړي او د هېوادوالو په زخمونو د مالګې دوړول کوي.
دی وايي، «خبرې اترې او ناستې دښمني ورو ورو کموي او رامنځ ته شوی اعتماد او باور د سولې سبب ګرځي.»