پاکستان کې د ډینګې تبې ناروغانو شمیر له ۴۴ زرو څخه اوښتي تر اوسه د ډینګې تبې له امله ۶۶ تنه وژل شوي دي.
د پاکستان طبي پوهان وايي، د هوا بدلون ، په وخت د بارانو نه کیدل او د ګرمي زیاتیدل ددې ناروغۍ د غوماشو په زیاتوالي کې ډیره مرسته کړي، په اسلام اباد کې پروت نیشنل انسټي ټيوټ آف هیلت( NIH) یو ډاکټررانا صفدر وايي، په ۲۰۱۱ م کې د ډینګې د تبې ناروغانو شمیر ۲۷ زره تنه وه خو سږکال ددې ناروغۍ اخته کسانو شمیر ۴۴ زره تنه ده خو په ۲۰۱۱ کال په پرتله د ناروغانو د مړینې کچه کمه ده، رانا صفدر زیاتوي، چې جکومت د ډینګې تبې په مخنوي کې پوره هڅه کړي ده.
خو بل پلوه د ډینګې تبې يوه متخصصه ډاکټره مهسیما صدیقی حکومت د ډینګې تبې په مخنوي کې پړ بولي، هغه زیاتوي، حکومت په اسلام اباد او پنجاب کې ډینګې په مخنوي کې ناکام شوي ده، تر اوسه د غوماشو په وړاندې هیڅ ځاې کې دوا نه ده شیندلې نو حکومت په کوم ثبوت د مخنوي دعوه کوي.
د اې ايف پي راپور وايي، د ډینګې تبي څخه ډیره متاثره ناروغان په اسلام اباد او راولپنډي کې دي چې تعداد يې ۱۲۴۳۳ تنو نه اوښتي، د يادونې وړ ده چې د دې ناروغۍ وایروس د “ايډس ايچپټیائي” غوماشي څخه خپریږي چې دا غوماشي په پاکو اوبو پر سر ژوند کوي په اوس وخت کې دې ناروغۍ وبائي شکل اختیار کړي.
