کابل ټکى کام (شنبه، ۲ لیندۍ ، ١٣٩٨ل)
د امریکا ولسمشر ډونالډ ټرمپ دطالب او امریکایي لوریو ترمنځ د بندیانو په تبادلې کې د قطر له همکاریو مننه کړې.
ټرمپ د قطر له امیره شیخ تمیم الاثاني څخه د هغو کوښښونو له کبله مننه وکړه چي د غربي بندیانو د آزاېدو سبب سول.
د قطر امیر او ټرمپ د جمعې په ورځ تیلفوني خبرې کړي. قطر ویلي دي چي د بندیانو په آزاېدو کي یې محوري نقش لوبولی دی.
دا تبادله نږدې یوه ونۍ وړاندې تر سره شوه چې طالبانو دکابل پوهنتون دوه استادان، او امریکا دانس حقاني په ګډون دوه طالب چارواکي ازاد کړه.
طالبانو هم په خپله اعلامیه کې د قطر له امیر او بهرنیو چارو وزیر څخه مننه کړې وه چې په شوې تبادله کې یې ورته لازم تسهیلات برابر کړي وو.
