(کابل ټکی کام، ۱۳۹۸ ليندۍ ۲۰، چهارشنبه)
د امريکا په نيوجرسي ايالت کې پوليسو سره په وسله واله نښته کې د پوليسو په شمول نهه کسانو ته مرګ ژوبله اوښتې ده.
دغه نښته د هوډسن نيوجرسي په سيټي نوم ځای کې رامنځته شوې ده.
ځايي چارواکي وايي، وسله وال دوه تنه و چې په یوه پلورنځي کې يې مورچل نيولی و او له پوليسو سره يې وسله واله نښته پيل کړه.
پوليس وايي، په نښته کې يو پوليس، دوه وسله وال او درې عام امریکايان وژل شوي چې په پلورنځي کې وه.
دغه راز د پوليسو په وينا، د نښتې پر مهال دوه پوليس او یو عام کس ټپيان شوي هم دي.
د جرسي سيټي د پوليسو مشر وايي، وسله والو سره شينکوف ټوپکونه او په وسلو ښه سمبال و چې په پوليسو يې سلګونه ډزې کړي دي.
تر اوسه لا د بريد انګيزه نه ده معلومه چې په څه هدف ترسره شوی خو پوليس وايي، د بريدګرو په اړه يې پلټنې پيل کړي دي.
په وروستيو کې په امريکا کې ورته ډول بريدونه زيات شوي چې عام امريکايان يې اندېښمن کړي دي.
