کابل ټکى کام (چهار شنبه، ۲۰ لیندۍ ، ١٣٩٨ل)
د باګرام پوځي اډه کې د امریکايي ځواکونو او وسلوالو بریدګرو ترمنځ سهار پیل شوې جګړه اوس هم روانه ده.
سیمه کې یو شمېر اوسېدونکو رسنیو ته ویلي چې، امریکايي پوځیانو ورڅخه غوښتي چې، له کورونو ووځي ځکه دوی غواړي پر جنګیالیو بمونه وغورځوي.
عیني شاهدان وايي، جنګیالي له راکټونو او لاسي بمونو کار اخلي او سیمه په جدي توګه نظامي حالت کې ده.
دا جګړه نن سهار په موټر بم برید پیل، او د موانعو له منځه وړلو وروسته وسلوال وتوانېدل چې هوایي ډګر ته ننوځي او جګړه پیل کړي.
د دې بریدونو مسئولیت وسلوالو طالبانو منلی او دیوې اعلامیې په نشرولو سره یې دلسګونه داخلي او خارجي ځواکونو دمرګ ژوبلې خبر ورکړی دی.
