کابل ټکی کام (پنجشنبه، ۲۱ ليندۍ، ۱۳۹۸ل)
د ګډ حکومت اجرايه رييس او د ثبات اوهمپالنې د ټاکنيزې ډلې مشر ډاکټر عبدالله عبدالله له نيويارک ټايمز ورځپاڼې سره په تازه مرکه کې ويلي که اشرف غني په شفاف ډول ټاکنې وګټي، مبارکۍ ورکولو ته چمتو يم.
د ښاغلي عبدالله په خبره که “غني” عادلانه وګټله، زه جرئت لرم چې مبارکي ورکړم.
ډاکټر عبدالله ټنګار کړې چې څوک دې د هغه د پلويانو لخوا د ممکنه جنجال د جوړولو په اړه “اندېښنه” نه کوي.
نوموړي په داسې حال کې دا څرګندونې کړي چې ټاکل شوې ده نن د ورځي ترپايه د ټاکنو د کمېسیون له لوري د ټاکنو قسمي پایلې اعلان شی.
