کابل ټکى کام (یکشنبه، ۲۴ لیندۍ ، ١٣٩٨ل)
په مزار شریف ښار کې د قیصاري په کور باندې د پولیسو جګړه بیا پیل شوه، جګړه د نیم ساعت لپاره ځنډول شوې وه او يولیسو ویل چې قیصاري تسلیمیږي، خو هغه په دغه وخت کې نه دی تسلیم شوی.
د قیصاري په کور له تیرې شپې راهیسې درنه جګړه روانه ده، خو لاهم حکومتي ځواکونه د نوموړي په وژلو او نیولو نه دي بریالي شوي.
قیصاري چې دحکومت په امتیازاتو له ولسوالۍ تر قومندانۍ او دیکتاتورۍ ورسېد، اوس د دوستم پر ځای په شمالي ولایاتو کې د یو ځواکمن قومندان په حیث فعالیت کوي.
نوموړی تیرکال دحکومتي ځواکونو له لوري ونیول شو، خو له لنډې نظر بندۍ وروسته بغیر له کومې محاکمې خلاص، او خپلو فعالیتونو ته ور وګرځېد.
