کابل ټکى کام (پنجشنبه، ۵ مرغومی ، ١٣٩٨ل)
راپورونه وایي، د سمنګان ولایت روی دوآب ولسوالۍ اړوند نوروزي سیمه کې اربکي ملیشو د دیني عالم مولوي صاحب صوفی ګلمراد په کور چاپه وهلې.
د سیمې اوسیدونکي وایي، د دې چاپې په ترڅ کې یادو ملېشو د نوموړي کور، سامان، او کتابخانې ته اور ورته کړی دی.
دوی زیاتوي، د اور له امله د قرآن کریم لسګونه نسخې او ګڼ شمېر دیني کتابونه سوځیدلې او د کور سامانونه یې له منځه تللي دي.
د وسلوالو طالبانو ویاند ذبیح الله مجاهد هم د سوځیدلي قرآني نسخو عکسونه خپاره کړي، اربکي ملیشې یې شریرې او قرآن عظیم الشان سره په دښمنۍ تورنې کړې دي.
