هند کې د تابعیت دنوي ناندريز قانون په وړاندې لاهم خونړي لاریونونه دوام لري او امنيتي ځواکونه هڅه کوي چې له هرې ممکنه لارې کيږي د مسلمانانو لاريونونو مخه ونیسي.
په یوه تازه خبر کې د ياد هیواد د “میروت آیالت” د پولیسو مشر “اکلیش نرائن” مسلمانو لاريونوال ګواښلي، چې ژر تر ژره دې خپل لاریونونه پای ته ورسوي، کنه نو سخت به وځپل شي.
نوموړي په یوه خپره شوي ویډیو کې مسلمانانو ته په خطاب کې ویلي دي چې “تاسې په هندوستان کې د مظاهرو او او سيدو حق نه لرئ ، تاسو باید هند پريږدئ او پاکستان ته لاړ شئ.
د نوموړي دې څرګندونو په هند کې حکومت مخالف سیاستوال غوسه کړي او دا یې له لږکيو سره د تبعیض ښکاره بیلګه بللې ده.
د هند د پارلمان يوې مخکښې مشرې “پریانکا گاندی” ویلي، د دغه امنيتي چاروکی څرګندونې دا جوتوي چې د مودي حکومت څومره اسلام ضد نظريه لري او له هرې وسیلې څخه په استفادې سره غواړي په هند کې مسلمانان وځپي.
“ګاندی”ویلي د هند د اساسي قانون له مخې هیڅ چارواکی حق نه لري د هند اتباعو ته سپکاوی وکړي یایې هم له هیواده پر وتلو وګواښي.
