لیکوال: عاکف مهاجر
په ټولنیزو رسنیو کې یو راپور کښته پورته کیږي چې د بې طرفه علماء په نوم یو ټولی د طالبانو قطر دفتر یا نورو مشرانو لیدو ته ورځي تر څو اوربند او سولې ته یې اماده کړي.
لومړی باید په دې وغږیږو چې دغه بې طرفه علماء څوک دي.
دا بې طرفه علماء په نوم څو تنه د پیسو وږي، خیټو ډکوونکي، د پردیو سفارتونو غیږو کې لویدلي او د امنیت شورا له لمنې راوتلي هغه خلک دی چې له تیرو اتلس کلونو راهیسې یې یوه ورځ د امریکا سفارت دروازې ته د دې لپاره ورنغلل چې زمونږ په مظلوم ولس بمونه مه اوروئ، زمونږ ماشومان مه وژنئ او په توره شپه کې زمونږ د کورونو دروازې مه ماتوئ.
همدا راز د دوی ضمیر هغه ورځ هم راویښ نه شو چې د امریکا په اخور څریدونکو عسکرو په تانګونو او رینجرو پسې د طالب په نوم افغانان کشکول او په سرکونو یې نمایش پرې کولو.
د دوی وجدان او ضمیر هغه مهال هم دوی دېته ونه هڅول چې د جنرال رازق عسکرو د طالبانو جسدونو ته اور اچولی وو او همدا راز بهرنیو عسکرو د وژل شویو عامو افغانانو په جسدونو متیازې وکړې، خو دوی په ډیره سپین سترګۍ نن له طالبانو د بې طرفه علماء په نوم د اوربند غوښتنه کوي.
یوه پوښتنه له دغو علماء کوم چې ایا هغه خلک اوربند کولی شي؟ چې کور یې سوځیدلی وي، له کور شړل شوی وي، ورور، پلار، وور، تربور، عزیز او نور یې وژل شوي وي ته یې هسکې سترګې په کور کې ورته ګرزې او ورته وایې چې ما مه وژنه راځه چې اوربند وکړو.؟
د دې ټولو سربېره دوی ځان ته د بې طرفه نوم ورکوي دوی باید وپوهیږي چې د حق او باطل ترمنځ د بې طرفه په نوم څه شتون نه لري که وي هغوی ته قران کې د منافقینو په نوم خطاب شوی چې لا الی هؤلاء ولا الی هؤلاء نه له حق سره وي نه له باطل سره.
دوی که د طالبانو مبارزه نا روا بولي بیا خو معلومه ده چې د اشغال تر چتر لاندې ژوند یې خوښ او د اشغال طرفداره دي او که د اشغال او اشغالګرو د کړنو سره مخالف وي نو بیا. خو دې ځان ته د بې طرفو نوم نه ورکوي بلکې د یو افغان، مسلمان او عالم په توګه دې راپورته شي د بهرنیانو د اشغال خلاف دې غږ پورته کړي او له هغوی دې و غواړي چې نور دلته ړندې بمبارۍ، شپنۍ چاپې او قتلونه مه کوئ.
زمونږ مو نه د خوښئ او نه د غم مراسم راپریښودل ټول مو بمبار کړل، هر ځای مو و وژلو او هر ځای مو په وینو ولمبولو.
