کابل ټکی کام (یکشنبه، ۲۱ غبرګولی، ۱۴۰۱ل)
د فلسطیني خبري سرچینو د راپورونو له مخې د یاد هېواد په ختیځه سیمه یافا کې څلورو اسراییلي پوځیانو ته مرګ ژوبله اوښتې ده.
شهاب خبري شبکې راپور ورکړی دی چې یو فلسطیني موټر چلوونکي په یافا سیمه کې پر اشغالګرو اسراییلي عسکرو موټر خېژولی دی چې په نتیجه کې یې یو عسکر ځای پر ځای وژل شوی او درې نور سخت ټپيان شوي دي.
اسراییلي چارواکو هم پېښه تایید کړې ده او زیاته کړې یې ده چې د ټپيانو روغتیایي وضعیت د ډاډ وړ دی.
بریدګر له سیمې تښتېدلی دی او د پېښې په اړه تر دې دمه نور جزیات نه دي په ډاګه شوي.
باید وویل شي چې په دې وروستیو کې د فلسطین په اشغال شويو سیمو او د اسراییلي ښارونو په منځ کې پر اشغالګرو یهودیانو د فلسطیني مقاومت کوونکو بریدونو کې د پام وړ زیاتوالی راغلی چې له امله یې لسګونو یهودي نیواکګرو ته مرګ ژوبله اوښتې.
