کابل ټکی کام (پنجشنبه، ۲۶ غبرګولی، ۱۴۰۱ل)
د واکراین ولسمشر ولادیمیر زلینسکي په خپلو تازه څرګندونو کې د امریکا په ګډون په لودیځو هیوادونو غږ کړی، چې هیواد سره یې پوځي مرستې مه ځنډوئ کنه اوکراین کې بل شوی اور به تاسې هم وسوځوي.
د ولسمشر زلینسکي په خبره ځواکونه یې په ختیځ اوکراین کې د روسي یرغلګرو پر وړاندې په میړانه جګړه کوي خو که د لویدیځو هیوادونو پوځي مرستې ور ونه رسیږي یادې سیمې به به روسیه ونیسي، اوکرایني ځواکونو ته به دردونکي تلفات واوړي او جګړه به نورو اروپایي هیوادونو ته هم خپره شي.
نوموړي چې تیره شپه یې په کوم نامعلوم ځای کې له مخکې ثبت شوی وینا په دولتي تلویزیون خپریدله وویل: چې اوکراین د توغندیو ضد پرمختللي سیسټم او درنو وسلو ته بېړنۍ اړتیا لري او متحدین یې په دې برخه کې ځنډ ته توجیه نه شي موندلی.
په ورته مهال د ناټو عمومي منشي “ینس سټولټنبرګ” هم پر لویدځو هیوادونو غږ کړی، چې د روسي یرغل پر وړاندې د مبارزې لپاره دې اوکراین ته ژر تر ژره درنې وسلې ورکړي.
باید وویل شي چې د اوکراین په ختیځو سیمو کې د روسي ځواکونو تهاجمي عملیات دوام لري او له ګڼو سیمو یې اوکرایني ځواکونه شاتګ ته اړ کړي دي. دغه راز پر پلازمینه کېیف او ځینو نورو ښارونو هم د روسیې د هوایي بریدونو لړۍ روانه ده چې له امله یې د ولسمشر زلینسکي په ګډون لوړ پوړي حکومتي چارواکو نامعلومو ځایونو کې پټ شوي دي
