د کابل امنيه قومنداني: په چیک پواینټونو مؤظف پولیس حق نلري چې په شخصي دریشیو او کالیو ودریږي!
کابل ټکی کام (جمعه، ۳ چنګاښ، ۱۴۰۱ل)
د کابل امنیه قوماندانۍ وايي، د امنيه قومندانۍ له خوا په ښار کې پر چیک پواینټونو مؤظف ټول پولیس په یونیفورم سمبال شوي زياتوي:«په چیک پواینټونو مؤظف پولیس نور حق نلري چې په شخصي دریشیو او کالیو ودریږي.»
د کابل امنیه قوماندان ښاغلي ولي جان (حمزا) د حوزو له آمرینو سره په یوه ناسته کې ټولو آمرینو ته هدایت کړی چې د پولیسو لپاره ځانګړی شوی یونیفورم به په خپلو ټولو پولیسو اغوندي.
ښاغلي حمزا د خپلو خبرو پر مهال زیاته کړه که چېرته کوم پولیس په شخصي لباس کې په چېک پواینټ ولاړ ولیدل شو قانوني چلند به ورسره کیږي.
د یادونې وړ ده چې د یونیفورم د وېش لړۍ به ډېر ژر د کابل اړوند ټولو ولسوالیو کې هم بشپړه شي.
