کابل ټکی کام (شنبه، ۴ چنګاښ، ۱۴۰۱ل)
د راپورونو له مخې، د ناروې هېواد په يوه شپني کلپ کې د وسله وال برید له امله ۱۶ کسانو ته مرګ ژوبله اوښتې ده.
دا بريد تېره شپه د ناروې هېواد په مرکز اسلو کې رامنځته شوی دی.
نیویارک پوسټ د اسلو د امنیتي چارواکو له قوله ليکلي، چې په ياد بريد کې په ډزو ۲ تنه وژل شوي او ۱۴ نور ټپیان شوي دي.
د ناروي سيمه ييزې رسنۍ وايي، یو کس وسله په لاس په ډېرې غوسه کلپ ته را دننه شو او په خلکو یې ډزې پیل کړې.
پولیسو ویلي، چې ټپيان روغتون ته لېږدول شوي او روغتیایي وضعیت یې ښه دی.
پولیس وايي، برید کوونکی نيول شوی او د برید په اړه به وروسته رسنيو ته معلومات ورکړي.
