نن ازبکستان دوه او ترکمنستان يوه الوتکه مرستې افغانستان ته راولېږې
کابل ټکی کام (شنبه، ۴ چنګاښ، ۱۴۰۱ل)
د افغانستان ا.ا وياند ذبيح الله مجاهد وايي، چې نن ازبکستان دوه او ترکمنستان يوه الوتکه مرستې افغانستان ته راولېږلې.
ښاغلي مجاهد په خپل ټويټر رسمي آدرس ليکلي، چې له زلزله ځپلو سره د مرستو په دوام «نن د ازبکستان هېواد څخه هم دوه الوتکې خوراکي مواد، البسه، دوا او نور اړین مواد کابل ته را ورسیدل.»
نوموړي دغه راز ليکلي، چې له زلزله ځپلو سره د مرستو په لړ کې نن د ترکمنستان هېواد څخه هم یوه الوتکه خوراکي مواد، البسه او دوا هېواد ته را ورسیدل.
تر دې مخکې ترکيې، پاکستان، هندوستان او ځينو نورو هېوادونو هم د زلزله ځپلو سره خوراکي، صحي او غير خوراکي مرستې رالېږلي دي.
