کابل ټکی کام (شنبه، ۸ زمری، ۱۴۰۱ل)
د افغانستان مرستیال لومړي وزیر “ملا عبدالغنی برادر” په خپلو تازه څرګندونو کې ویلي، چې افغانستان په بهرنیو مرستو نه دی جوړ شوی او اوس یې په خپلو تولیداتو جوړوو.
نوموړی وایی: نړیوالې ټولنې افغانستان جوړ نه کړ، بلکې وران یې کړ، چې اوس یې په رغولو بوخت یو.
باید وویل شي چې تر دې وړاندې د رییس الوزار اداری مرستیال ملا “عبدالسلام حنفي” ویلي و، چې هېواد کې شل کاله د بشری حقونو، د ښځو حقونو او دیموکراسۍ په نامه جنګ وشو، خو غوښتونکو یې د ځنګل قانون جاری کړی و.
د نوموړي په خبره په هېواد کې د اسلامی نظام په حاکمېدو سره سرتاسري امنیت راغلی، اداری فساد له منځه تللی او غصب ختم شوی دی.
