تاجکستان: د بانکي سيستم ستونزې له امله د افغانستان برېښنا شرکت ۲۸ ميليون ډالره پوروړی دی
کابل ټکی کام (چهارشنبه، ۱۲ زمری، ۱۴۰۱ل)
تاجکستان وايي، چې د بانکي سيستم ستونزې له امله د افغانستان برېښنا شرکت ۲۸ ميليون ډالره پوروړی دی
د تاجکستان د برقي تاجک شرکت مشر محمد عمر عاصوزاده وايي، افغانستان دې د تاجکستان د برېښنا پورونه ورکړي.
نوموړي، وړمه ورځ په پلازمېنه دوشنبې کې په یوه خبري کنفرانس کې وويل، ستونزه دا ده چې د افغانستان برېښنا شرکت نهشي کولای د افغانستان په بانکونو کې له خپلو حسابونو پیسې ولېږدوي.
عاصوزاده دغه راز ویلي چې د افغانستان برېښنا شرکت په تېره جولای میاشت کې دوه ملیون ډالره د دوی حساب ته لېږلي او غواړي چې پاتې پورونه هم په څو مرحلو کې پرې کړي.
افغانستان د اړتیا وړ برېښنا ډېره برخه له تاجکستان، ازبکستان او ترکمنستان څخه واردوي.
