دفاع وزارت په هلمند کې په دوه قول اردوګانو د بمبار راپورونه رد کړل
کابل ټکی کام (جمعه، ۱۸ وږی، ۱۴۰۱ل)
تېره ورځ ځينو رسنيو داسې راپورونه خپاره کړل چې ګنې امريکايي بې پيلوټه الوتکو په هلمند کې ۲۱۵ قول اردو باندې بمبار کړی دی.
خو د افغانستان د ملي دفاع وزارت ويلي، هغه خبرونه چې په رسنیو کې خپریږي چې د هلمند ولايت ګرشک لوا باندې بمبار شوی، حقيقت نلري.
د دفاع وزارت په رسمي ټويټرپاڼه ليکل شوي، چې په هلمند کې د ۲۱۵ «عزم» او د ۲۰۳ المنصوري پر قول اردو ګانو د بمبار خبرونه د ځینو مغرضو رسنیو له خوا خپاره شوي، چې هېڅ بنسټ نه لري او له حقيقت لرې دي.
دفاع وزارت زياته کړې، دا ډول اوازې د مغرضو کسانو او رسنیو له خوا د خلکو د مورال او ارادې د کمزوري کولو لپاره خپریږي.
