کابل ټکی کام (شنبه، ۱۴ لړم، ۱۴۰۱ل)
په داسې حال کې چې په ایران کې لا هم حکومت ضد لاریونونه روان دي د ایران د بشري حقونو د څار ډلې خبر ورکړی، چې د سپټمبر له ۲۶ مې د نومبر تر ۴ مې نېټې د ۴۰ ماشومانو په ګډون ۳۱۴ لاریون کوونکي د امنیتي ځواکونو په ډزو وژل شوي دي.
دغه ډله وایي، چې په دغه مو ده کې ۱۴۱۷۰ لاریون کوونکي نیول شوي هم دي چې یواځې ۱۷۶۸ یې پېژندل شوي دي او پاتې نور لا هم نادرکه دي چې ویل کېږي د ایران د اسلامي جمهوریت د سپاه پاسداران ډلې اړوند پټو زندانونه ته به وړل شوي دي.
په ورته مهال د ایران د انقلابي ځواکونو مشر لاریون کوونکي تورن کړي چې د امریکا، اسرائیلو او سعودي عربستان په لمسون د اسلامي جمهوري نظام پر وړاندې لاریونونه کوي او یادو هیوادونه ته یې خبرداری ورکړی، چې غچ به ترې اخلي.
باید وویل شي چې په ایران کې د مذهبي پولیسو په زندان کې د مهسا امیني په نوم د یوې ۲۱ کلنې کردۍ پیغلې تر مړینې وروسته د ایران په لر او بر کې لاریونونه پیل شوي چې لا هم روان دي.
