کابل ټکی کام (یکشنبه، ۲۲ لړم، ۱۴۰۱ل)
د انکلستان د کرېکټ ملي لوبډلې د اسټرالیا په کوربهتوب د کرېکټ شل اووره نړیوال جام په پایلوبه کې پاکستان ته په پنځو وېکټو ماته ورکړه او د ۲۰۲۲ کال د نړیوال جام اتلولي یې وګټله.
دا په شل اوریزو سیالیو کې د انګلستان لوبډلې دویمه اتلولي ده.
پاکستان په دغه لوبه کې لومړی توپوهنه وکړه او په ټاکل شویو شلو اورونو کې یې د اتو لوبغاړو په سوځېدو انګلستان ته د ۱۳۸ منډو هدف وټاکه.
د پاکستان لپاره په توپوهنه کې شان مسعود تر ټولو زیاتې ۳۸ منډې جوړې کړې.
د انګلستان لوبډلې که څه هم د توپوهنې پیل ښه، خو د لوبې په منځنیو اورونو کې یې لوبه ورو شوه چې وروستیو کې د بن سټوک ناسوځېدلو ۵۲ او معین علي د ۲۰ منډو پر مټ انګلستان لوبه کنټرول کړه.
انګلستانۍ لوبډلې د پاکستان ورکړل شوی هدف په ۱۹ اوور کې ترلاسه کړ او د دویم ځل لپاره د شل اووره سیالیو اتله شوه.
انګلستان له دې وړاندې په ۲۰۱۰ کال کې په لومړي د شل اووره سیالیو هم اتلولي ګټلې وه.
باید وویل شي چې د انګلستان د کرېکټ ملي لوبډلې له ۳۰ کلونو وروسته نړیوال جام کې له پاکستانۍ لوبډلې خپل غچ بېرته واخیست او پاکستان یې د ۱۹۹۲ نړیوال جام د اتلولۍ بیا تکرار ته پرې نهښود.