کابل ټکی کام (دوشنبه، ۵ جدي، ۱۴۰۱ل)
د راپورونو له مخې ، د ملګرو ملتونو د بشري همغږۍ کونکي يوه لوړپوړي چارواکي افغانستان ته د بشري مرستو رسولو د مخې نيولو ګواښ کړی دی.
د ملګرو ملتونو لوړ پوړی بشري همغږی کوونکی رامیز الکباروف ویلي، ملګري ملتونه هڅه کوي دغه بندیزونه ختم کړي ځکه دا د “ټولې بشري ټولنې سره کرښه” ده.
دغه چارواکي ویلي” که طالبان پر ښځینه کارکوونکو د کار بندیز ختم نه کړي، ملګري ملتونه به افغانستان کې د بشري مرستو د رسولو مخه ونیسي.”
افغانستان کې د اسلامي امارت له خوا پر ښځو د کار له بندیز وروسته څلورو لویو غیر دولتي موسسو «سېف ده چیلډرن» یا د ماشومانو د خوندیتوب اداره، د ناروې کډوالو شورا او “کېیر انټرنیشنل” یا (پاملرنه) په یوه ګډه خپره شوې خبرپاڼه کې ویلي چې، له “ښځینه کارکوونکو پرته” خپل فعالیت ته دوام نه ورکوي.
تازه د ژغورنې نړیوالې کمېټې (ای ار سي) په افغانستان کې د خپل فعالیت درولو اعلان کړی.
د افغانستان د اقتصاد وزارت ویاند عبدالرحمن حبیب ويلي چې، د بهرنیو مرستندویه موسسو ښځینه کارکوونکو د حجاب له قوانینو سرغړونه کړې ځکه پرې ياد بنديزونه لګول شوي.
