حیرتان بندر کې انتقالات د لنډ وخت لپاره معطل شوي

کابل ټکی کام (پنجشنبه، ۱۳ سلواغه، ۱۴۰۱ل)

افغان چارواکي وايي ، چې حیرتان بندرکې انتقالات د لنډ وخت لپاره معطل شوي او د اسلامي امارت وياند ښاغلي ذبيح الله مجاهد له ملي سوداګرو غوښتي چې له صبر او زغم څخه کار واخلي، هڅه دې وکړي څو عاجل او اړین توکي د اقینې بندر له لاري هیواد ته وارد کړي.

تېره ورځ د ازبکستان د ریل پټلۍ ادارې په یوه خبرپاڼه کې ويلي و، چې افغانستان نه و توانېدلی د ريل پټلۍ له پروژې په وخت تخنیکي ساتنه وکړي، نو دوی اړ شول چې د ریل خدمات و دروي.

خو د افغان حکومت وياند ذبيح الله مجاهد وايي، تعطیل د ازبکستان د ریلوې لخوا رامنځ ته شوی، افغان اورګاډي اداره تخنیکي او عملیاتي اړخ کې کوم مشکل نه لري.

د ریل دغه پټلۍ چې له حیرتان بندره تر مزار شریف ښاره غځېدلې ۷۵ کیلو متره اوږدوالی لري او ۲۰۱۰ کال کې يې پر جوړېدو ۱۲۹ میلیونه ډالره لګښت راغلی دی.