کابل ټکی کام (پنجشنبه، ۱۳ سلواغه، ۱۴۰۱ل)
د راپورونو له مخې ، د پاکستان په مري ښار پولیسو د دغه هېواد د ‘عوامي مسلم لیګ’ ګوند مشر شیخ رشید احمد نیولی دی.
پخپله شیخ رشید احمد تر نیول کېدو وروسته یوه ځايي خصوصي تلویزیون ته ویلي “سل دوه سوه کسان په زینو راوختل، دروزاې یې ماتې کړې، راننوتل او زور زیاتی یې کړی. ټول کاریګر یې ډبولي – زه یې په زور موټر کې اچولی او راوستی یم.”
شيخ رشيد ويلي، چې دی د کورنیو چارو وزیر ‘رانا ثنا الله’ په امر نيول شوی او د فبرورۍ تر ۶مه یې بېرته ضمانت منل شوی دی.
پر شیخ رشید احمد د (پیپلز پارټۍ) د راولپنډۍ څانګې مرستیال ‘راجه عنایت الرحمان’ پرې ځکه عریضه کړې وه چې ګوندې پر مخکیني ولسمشر اصف علي زرداري یې د عمران خان د وژلو دسیسي تور لګولی دی.
