کابل ټکی کام (جمعه، ۸ ثور، ۱۴۰۲ل)
د راپورونو له مخې روسي ځواکونو د پلازمینې کيېف په ګډون د اوکرايين پر ګڼو ښارونو هوايي بریدونه کړي دي چې په ترڅ کې یې تر اوسه لږ تر لږه د دیارلسو تنو د وژل کېدو او د ګڼو نورو د ټپي کېدو خبر ورکړل شوی.
چارواکي وايي، د یوه ماشوم په ګډون لس تنه د “اومن” ښار په مرکزي سیمه کې پر یوې ودانۍ د برید په پایله کې و وژل شول او یوولس نور ژوبل شوي چې د ډېرو روغتیایي حالت نازک ښودل شوی دی.
له “کريمينچوک” او “پولتاوا” ښارونو هم د درنو چاودونو رپوټونه ورکړل شوي دي.
په ورته مهال د پلازمینې کيېف لپاره د اوکراييني ځواکونو مشر وايي، دا په تېرو ۵۱ ورځو کې پر پلازمېنې د روسیې لومړني؛ خو تر ټولو خطرناک توغندیز بریدونه دي چې تر سره کېږي.
د ویلو ده چې په کيېف کې د اوښتې مرګ ژوبلې په اړه تر اوسه څه نه دي ویل شوي.
