کابل ټکی کام (یکشنبه، ۱ زمری، ۱۴۰۲ل)
په داسې حال کې چې پرون جمعه د عراق حکومت قرانکریم ته د بې حرمتۍ په غبرګون کې د سوېډن سفیر له خپل هیواد څخه وشاړه نن شنبه د جولایي په ۲۲ مه نېټه قهرجنو لاریون کوونکو په پلازمېنه بغداد کې د سوېډن د سفارت ودانۍ ته اور اچولی او سوځولې یې ده.
په ورته مهال نن ایران هم په یو بیساري اقدام کې له سویډن سره د دیپولوماتیکو اړېکو په ګډون ټول تړونونه ځنډولي دي او ګواښ یې کړی، که بیا ورته پېښه تکرار شي نو دوی به هم د سوېډن سفیر له هیواد څخه وشړي.
د ویلو ده چې تر دې وړاندې د اسلامي امارت په رهبرۍ افغان سرپرست حکومت هم له سوېډن هیواد سره اړېکې ځنډولي وې او په افغانستان کې یې د سوېډن هیواد سره تړلو مؤسیسو باندې بندیزونه لګولي وو او له نورو اسلامي هیوادونو یې هم د ورته اقدام غوښتنه کړې وه.
