پاکستان: د داعش د څلورو غړو د نیولو ادعا کړې ده
کابل ټکی کام (سه شنبه، ۵ تله، ۱۴۰۲ل)
د پاکستان د خیبر پښتونخوا ایالت د ترهګرۍ ضد څانګې (سي ټي ډي) پولیسو په پېښور کې د داعش وسله والې ډلې د څلورو غړو د نیولو ادعا کړې ده.
دغه څلور کسان چې د هویت په هکله یې تر اوسه څه نه دي ویل شوي؛ خو امنیتي چارواکي وایي چې په خیبر پښتونخوا ایالت کې یې د سکانو، شیعګانو، دیني عالمانو او امنیتي ځواکونو په وړاندې په هدفي وژنو کې لاس درلود.
