کابل ټکی کام (دوشنبه، ۲۲ لړم، ۱۴۰۲ل)
په داسې حال کې چې په عراق او سوریه کې د مېشتو امریکایي ځواکونو په اډو پرلپسې بریدونه روان دي تازه د لبنان د اسلامي مقاومت غورځنګ حزب الله مشر “حسن نصرالله” په منځني ختیځ کې مېشتو امریکایي ځواکونو ته ګواښ کړی، چې له عربي هېوادونو دې کډې بار کړي کنه له ویرونکي انجام سره به مخ شي.
حسن نصرالله په یو غږیز پیغام کې چې د یادې ډلې “المنار” تلویزیوني چینل خپور کړی امریکا ته کوتڅنډنه شوې چې سمندري بیړۍ یې هره شیبه د دوی د ځواکونو هدف ګرځیدلی شي او موږ له دی انکار نه کوو چې په سوریه او عراق کې مو امریکایي اهداف په نښه کړي دي.
د حسن نصرالله له ګواښ وروسته ځینو باخبرو سرچینو “رویټرز” خبري آژانس ته ویلي چې حزب الله ته د ایران غوښتنه روسیې د بېړیو ضد توغندي ورکړي دي.
یادو سرچینو تېره ورځ رویټرز خبري اژانس ته وویلي، چې د لبنان حزب الله ډلې د بېړیو ضد توغندیو وړتیاوې خورا زیاتې کړي او په ځانګړې توګه د روسیې په جوړ شويو “یاخونت” توغندیو چې په ۳۰۰ کیلومترو واټن کې خپل هدف ویشتلی او له منځه وړلی شي سمبال دي.
حسن نصرالله په خپل پیغام کې ویلي: چې په مدیترانې سمندرګي کې د امریکا د جنګي بېړیو ځای پر ځای کېدل “موږ نه وېروي او نه به ووېریږو” د نوموړي په خبره ” ځواکونه یې چمتو دي چې د امریکا هغه بیړۍ هدف وګرځوي چې موږ ګواښوي.”
