کابل ټکی کام (دوشنبه، ۱۳ لیندۍ، ۱۳۰۲ل)
وروسته له هغه چې د دسمبر په لومړۍ نېټه د غزې پر تړانګه د اسرایيلي اشغالګرو یوځل بیا بريدونه پيل کړل.په عراق او سوريه کې د امريکايي پوځيانو پر اډو هم بریدونه پيل شوي دي.
د ایران له ملاتړه برخمنو وسله والو ډلو څخه جوړ د “عراق د اسلامي مقاومت غورځنګ” لخوا په یوه خپره شوې خبر پاڼه کې ویل شوي، چې د عراق د کردستان په “اربیل” ښار کې یې د امریکايي اشغالګرو پر پوځي اډو بریدونه کړي دي.
خبر پاڼه کې ویل شوي «په غزه کې د صهیونیستي دوښمن له لوري کې زموږ د مسلمانو ورونو پر وړاندې د روانو بریدونو په ځواب کې، مو د سوریې په شمال ختیځ کې د “حرب الجیر” په سیمه کې د امریکايي اشغالګرو پر پوځي اډې د بالستیک توغندیو بریدونه کړي دي.»
په لبنان کې میشت “المیادین” تلویزیوني چینل چې د عراق د “اسلامي مقاومت” غورځنګ، انصارالله او حزب الله ته نږدې بلل کېږي ادعا کړې، چې ۷ بالستیک توغندي د سوریې په شمال او ۹ نور د عراق په کردستان ایالت کې د امریکایي اشغالګرو ځواکونو په پوځي اډو کې لګیدلي دي.
المیادین تلویزیوني شبکې د خپلو سرچینو په حواله خبر ورکړی، چې په دواړو بریدونو کې امریکایي اشغالګرو ته پراخ ځاني او مالي تلفات اوښتي دي.
