د شام شهيد

غزه رښتیا هم زموږ د ایمانونو یو لوی ازمون دی ، قدس نه هیرېدونکې قیبله ده ، دا کتاب د ځوان ، حافظ،تکړه او باشهامته شه…ید عثمان مېرمنې د خپل خاوند په یاد کې لیکلی دی ،زه دا نه وایم چې محض نوم لیکل به په شریعت کې منع شوی وي، خو سړی د مسلمانو مېرمنو، وفا، دیانت، متانت او حیاء ته حېران شي، چې حتی خپل نوم یې نه دی پرې لیکلی، یواځې یې لیکلي چې د شه……..ید عثمان تقبله الله مېرمن،
یهودو تقریبا له ۲۰۰ زیات ازاد او مسلمان ژورنالیستان تر ۲۳ زره بې ګناه فلسطینیان شهیدان او د دې څو چنده نور یې ژوبل کړي دي ، د بیان له ازادي د هر چا تعریف او تعبیر بېل دی ، په ځانګړي ډول د کفري نړۍ تعریف بیخي متفاوت دی، دوی دې لویې نسل وژنې او ستر تجاوز ته هم د قانونیت او سلامتیا بڼه ورکوي او ظاهرا یوازې فلسطینیان ملامتوي، ټوله کفري نړۍ ورته چکچکې وهي او د ناټو لوی دفاعي سازمان د صهیونیستانو په خدمت کې دی ، عرب چلتیاریان درګرده نفتي مواد ورته پمپ کوي او خپل پطرو ډالر پرې چاپوي فلسطین د وسوځي ، چې د دوی اقتصادي تعاملات زیانمن نه شي.
دا کتابګوټی چې په عربي ژبه لیکل شوی دی ، د ژباړن ورور محمد امید د کور ودان وي چې پښتو ته ژباړلی دی ، الله ج دې د دوی د یتیمانو ااااآآه واوري ، یهودو څومره تنکۍ غوټۍ رژولي دي او د شهید عثمان د مېرمنې په شمول یې د څومره مسلمانو مېرمنو د زړه ارامونه او د ژوند ملګري اخیستي دي ، غرب د ټولې ناټوګۍ او د دوی د اشرباڼو په وړاندې د متین عزم افغان زلمي او د صهیونیستانو په وړاندې د حماس زلمي ملامت بولي، مګر د روسي ښکیلاکګرو په وړاندې د اکراین مبارزه برحقه او د دفاع مبارزه بولي ، موږ ته د چاقو جوړولو یا حداقل د دفاعي اسلحو جوړولو اجازه نه راکوي او دوی درګرده لګیا دي زموږ د وژونکو توغندیو بالستیک نوې نوې نمونې ازمايي او هر هیواد په دې کې د داسې مخکښیو توغندیو جوړولو هڅه کوي چې د وژنو تلفات یې له هغو نورو په مراتبو لوړ وي،
شه…ید عثمان په ډېر کم عمر کې مهاجرتونه ، زخمونه او دردونه تجربه کړي دي او اخیر یې د پاک رب لقاء هم په نصیب شوه، تقبله الله ، یوه ډله منتقدین ممکن دا هم ووایي چې ته یې څه غم کوې د لپټاپ تر شا ارام ناست یې، هو! ته هم رښتیا وایي شخصا زه بیخي زیات ملامت یم او دا ملامتیا کفایت هم نه کوي ، ما د دې کتاب د لوستلو توصیه ځکه کړې ده چې زه ویده یې لږ راویښ کړی یم ، د غزې د کونډو، رنډو او زخمیانو په درد یې لږ پوهولی یم او دا رویښېده هم کفایت نه کوي ، زموږ مسؤلیت تر دې هم دروند دی ، کفري نړۍ ډېره ژوره او عمیقه لګیا ده او خپل ستراتیژیک اهداف تعقیبوي ، مومنان باید د (واعدو لهم ما استطعتم من قوه(سوره الانفال ۶۰) ایت د غوښتنې مطابق په علمي ډګر کې کار وکړي ، په غزاوو کې زموږ د کامیابي راز دا وو چې هم مو ایمان قوي وو، هم مو اطاعت درلود ، هم مو امر لکه رسول(ص) داسې شخص وو ، هم مو له دوی مخکې زغرې جوړولې او هم مو جنګي او دفاعي ستراتيژي دومره مخکې وه چې د خندق په شان تدافعي ګامونه مو اخیستل.