مولوي امیر خان متقي ترکمنستان ته لاړ
کابل ټکی کام (یکشنبه، ۶ کب، ۱۴۰۲ل)
د اسلامي امارت په مشرۍ دافغان سرپرست حکومت د بهرنيو چارو وزیر ‘مولوي امير خان متقي” د ترکمنستان د بهرنيو چارو وزير ښاغلي “رشيد مُردوف” په بلنه دغه هېواد ته ولاړ.
د بهرنيو چارو وزارت نن يکشنبه پر خپله ايکس پاڼه ليکلي، ټاکل شوې متقي به د دې سفر په لړ کې پر ګڼو دوو اړخيزو مسايلو له ترکمن چارواکو سره خبرې اترې ولري.
له نوموړي سره په دې سفر کې د کانونو او پټرولیم وزارت، د افغانستان اوسپنې پټلۍ ادارې او د افغانستان برښنا شرکت مسؤولين هم ملتیا کوي.
