کابل ټکی کام (جمعه، ۲۵ کب، ۱۴۰۲ل)
له غزې ورکړل شوي راپورونه وایي، چې اسرائیلي اشغالګرو مصر سره پر پوله پر زرګونو هغو کسانو برید کړی، چې د بشري مرستو د ترلاسه کولو لپاره راټول شوي وو.
د الجزیرې تلویزیوني شبکې د خبر له مخې په دې وحشیانه برید کې د ښځو او ماشومانو په ګډون ۲۱ تنه شهیدان شوي او سلګونه نور ټپیان شوي دي.
د حماس اسلامي غورځنګ په ګډون ترکیې، مصر، قطر او سعودي عربستان د صهیونیستي ريژیم وروستی برید غندلی او یو نه بښونکی جنګي جنایت یې بللی ده.
د ویلو ده، چې دا لومړی ځل نه دی، چې اسرائیلي اشغالګر ورته ترهرګریز برید ترسره کوي، بلکې دوه اوونۍ وړاندې یې هم هغه کسان په نښه کړي وو، چې د بشري مرستو راټولو ته انتظار و. د صهیونیستي ريژیم په هغه برید کې نږدې ۷۰۰ فلسطنیان شهیدان او سلګونه نور ټپیان شوي وو.
