سعید بریال
د غزې د یو اتل او زړور چریک د شهادت کیسه
کله چې په ټولنیزو رسنیو کې د ( مقاتل الانیق ) یعنې شیک پوش مجاهد. په نوم د غزې د یو مجاهد عکسونه وایرل شو او هغه ډیر زیات مشهور شو , ددغه مجاهد څېره چا ونه لیده خو په ډیر شیک او ښکلې انداز کې یې د الیاسین 105 راکټ په اوږه او د اسرائیلوټانک یې والوزاوه .
ددغه مجاهد شیک توب راته د حضرت ابودجانه رضی الله عنه کیسه راپه زړه کړه :
ابو دجانة (رض) یو زړور سرتېری وو، د جنګ په وخت کې به یې کاږه واږه، متکبرانه قدمونه اخیستل، سره ټوټه به ورسره وه کله به چې د جنګ ډګر ته د مقابلې لپاره وتو نو سره ټوټه به یې له سره وتړله، معنی به یې دا وه چې تر مرګه به جنګېږي.
د اُحد د جنګ په ورځ چې د مسلمانانو صفونه ودرېدل رسول الله (صلی الله عليه و سلم) توره له تېکي ووېستله او ویې فرمايل چې د دې تورې حق به څوک پر ځای کړي؟ څو تنه اصحاب لکه هر یو (علي رض) زبیر بن عوام (رض) عمر بن خطاب (رض) او ځیني نور را پورته شول خو چاته یې ور نکړه په پای کې ابو دجانة (رض) راپورته او ویې فرمايل: چې د خدای رسوله د تورې حق څه شی دی؟ رسول الله صلی الله عليه وسلم و فرمايل: چې تر هغو پورې پرې د دښمن مخونه و وهي چې توره کږه شي.
نو ابو دجانة سماك (رض) وویل زه به یې حق پر ځای کړم، رسول الله توره همده ته ورکړه کله یې چې توره تر لاسه کړه کاږه واږه قدمونه یې واخیستل نو رسول الله وفرمايل: د دښمن سره د مقابلې پرته بل هیڅ وخت الله جل جلاله دا وړ تلل نه خوښوي.
اوس خبر راغې چې هغه شېک پوش مجاهد (مقاتل الانیق )د اسراېیلو سره په مخامخ جګړه کې شهید شو خو د شهادت نه وروسته یې د مخ عکس هم خپور شو . د الله د لارې دغه اتل شهید حمزه هشام عامر نومیده چې پلار یې هشام عامر د کتایب القسام د بنسټ ایښودونکو مجاهدینو او لومړنیو شهیدانو څخه وو.
د شهید حمزه عکسونو او ویډیو ګانو ته غریو ونیولم , اوښکې مې تم نه کړی شوی او د ماشومانو په څېر سلګۍ مې ووهلې او له ځان سره مې دا ایت تلاوت کاوه چې :
من المؤمنین رجال صدقو ما عاهدالله علیه فمنهم من قضی نحبه و منهم من ینتظر وما بدلو تبدیلا
د داکتر صیب خالد راشد له وال څخه
