کابل ټکی کام (سه شنبه، ۲۹ کب، ۱۴۰۲ل)
د اروپايي ټولنې د بهرنۍ تګلارې مشر «جوزيپ بوريل» ويلي چې د اسرائيلو پوځي عملياتو غزه پر يوې لويې هديرې بدله کړې ده.بوريل د اروپايي ټولنې د وزيرانو په غونډې کې ويلي چې غزه نن د لسګونو زرو خلکو او د ډېرو مهمو بشري قوانينو هديره ده.نوموړي زياته کړې چې اسرائيل غزې ته بشري مرستې نه پرېږدي او له دې څخه د جګړې د وسيلې په توګه کار اخلي.د حماس تر کنترول لاندې په غزه کې د روغتيا وزارت مسئولينو بيا ويلي چې د اسرائيلو په بريدونو کې تر دې دمه څه باندې ۳۲زره تنه وژل شوي چې ډېرې يې ښځې او ماشومان دي.
